Синең юлың, и мөселман, бер йортка эш белән китерсә hәм син анда килеп керүгә беркемне дә күрмәсәң, барыбер сәламеңне юлларга онытма. Синең ул иминлек хәбәреңне йорттагы фәрештәләр ишетерләр вә сәламеңне кабул итеп кире кайтарырлар. Шуңа күрә дә кешесе өендә күренми икән, болай дип әйт: "Әссәламү галәйнә вә галә габдуллаhис-салихин!" (Мәгънәсе: «Аллаhы Тәгаләнең саклавы безнең үзебезгә булсын hәм дә Аллаhы Тәгаләнең изге колларына булсын!»)    Әгәр дә кергән йортта күмәк берничә кеше булса, аларның барчасына бердәй сәлам җиткерү тиешле. Бу очракта ачык итеп: "Әссәламү галәйкүм вә рәхмәтуллаhи вә бәрәкәтүh!" — дип әйтергә hич онытырга ярамый. (Мәгънәсе: «Аллаhы Тәгалә сезнең белән саклаучы булсын вә Аллаhы Тәгаләнең рәхмәте ирешсен, hәм дә сезгә бәхетләр бирсен!») Мондый да күркәм сүзләр белән хәбәрләшеп күрешү бик куанычлы вә сокландыргыч, шунлыктан бәндәләргә иман нуры иңәр, күңелләреннән кайгылары китәр, өммәтнең нигезләре тагын да төзекләнер, үз күңелең вә җаның хозур ... Читать дальше »